مجلسِ وحدت المسلمین پاکستان کے مرکزی سیکرٹری نشر و اشاعت اور صوبۂ سندھ کے آرگنائزر علامہ مقصود علی ڈومکی نے نواب شاہ میں آئی ایس او کنونشن سے خطاب کرتے ہوئے کہا ہے کہ محاذ مقاومت کے شہداء کے پاکیزہ لہو نے مسئلۂ فلسطین کو دنیا کا سب سے بڑا عالمی مسئلہ بنا دیا ہے۔
اقوام عالم؛ محور مقاومت کی مظلومیت و صداقت اور اسرائیل و امریکہ کے مکر و فریب، ظلم و بربریت کو بخوبی پہچان چکی ہیں
انہوں نے مزید کہا کہ آج اقوام عالم، محور مقاومت کی مظلومیت و صداقت اور اسرائیل و امریکہ کے مکر و فریب، ظلم و بربریت کو بخوبی پہچان چکی ہیں۔ لبنان، یمن، ایران، غزہ اور فلسطین کے عظیم شہداء نے اپنے خون سے حق و صداقت کی گواہی دی ہے اور امریکہ و اسرائیل کے مکروہ چہروں کو دنیا کے سامنے بے نقاب کر دیا ہے۔
علامہ مقصود علی ڈومکی نے کہا کہ اسرائیل یہ جنگ ہار چکا ہے، جبکہ غزہ و فلسطین کے مجاہدین یہ جنگ جیت چکے ہیں۔ بالآخر اسرائیل کو فلسطین پر اپنے غاصبانہ قبضے سے دستبردار ہونا پڑے گا۔
انہوں نے کہا کہ جو منافقین فلسطین اور غزہ کے شہداء کے ساتھ خیانت کرکے امریکہ و اسرائیل کے حواری بنے، وہ غدار ہیں، اور ان کے احتساب کا وقت قریب آ چکا ہے۔
علامہ مقصود علی ڈومکی نے واضح کیا کہ اسلام کے لبادے میں چھپے وہ منافقین جو یہود و نصاریٰ کو اپنا ولی اور سرپرست سمجھتے ہیں، انہوں نے قرآن کریم کی صریح و واضح تعلیمات کو پسِ پشت ڈال دیا ہے۔
انہوں نے کہا کہ آج وقت آ گیا ہے کہ امت مسلمہ قرآنی بصیرت، اتحاد، اور مقاومت کے عزم کے ساتھ قبلۂ اول بیت المقدس کی آزادی کے لیے متحد ہو
