حضرت آیت اللہ نوری ہمدانی کی جانب سے آیت الله سید مجتبیٰ خامنہای کے اسلامی انقلابِ ایران کے تیسرے رہبر منتخب ہونے پر جاری پیغام کا متن درج ذیل ہے:
بسم الله الرحمن الرحیم
حضرت آیتالله جناب حاج سید مجتبیٰ خامنہای «دامت برکاته»
سلام علیکم
رہبرِ انقلابِ اسلامی کی شہادت، اسلام کے بہادر سپہ سالاروں اور بے دفاع عوام کی شہادت پر تعزیت اور آپ کے انتخاب پر مبارکباد پیش کرتے ہوئے میں خدائے متعال کا شکر ادا کرتا ہوں کہ ملت کے منتخب نمائندوں یعنی مجلسِ خبرگان نے تمام شرائط اور ضروری ضوابط کو مدنظر رکھتے ہوئے اور یقیناً حضرت بقیةالله الأعظم «عجلالله تعالی فرجه الشریف» کی خاص عنایات کے ساتھ آپ کو جو فقاہت، شجاعت، تقویٰ، زمانہ شناسی، تدبیر و مدیریت اور امامِ راحل عظیم الشان اور رہبرِ شہید «رضوانالله تعالی علیہما» کے راستے اور مکتب سے گہری وابستگی جیسی تمام ضروری صفات کے حامل ہیں، جمہوریہ اسلامی کے مقدس نظام کا رہبر منتخب کیا ہے۔ اس فیصلے کے ذریعے ایک بار پھر اس ملت کے دشمنوں کو مایوس اور ناکام بنا دیا گیا ہے۔
میں مجلسِ خبرگان کے اس حکیمانہ اور بامعنی انتخاب کو خراجِ تحسین پیش کرتے ہوئے اس امر پر تاکید کرتا ہوں کہ اصلِ ولایتِ فقیہ سے مکمل وابستگی اور اطاعت ضروری ہے کیونکہ یہی انقلاب اسلامی کا بنیادی ستون اور مضبوط سہارا ہے۔
میں پوری امتِ مسلمہ، خصوصاً مؤمن، عزیز اور انقلابی ایرانی عوام اور دیانتدار و خدمت گزار ذمہ داران سے درخواست کرتا ہوں کہ بصیرت اور اتحاد کے ساتھ رہبرِ معظم انقلاب کی پیروی میں متحد ہو کر آگے بڑھیں اور ولایتِ فقیہ کے محور کے گرد اتحاد و یکجہتی کو برقرار رکھتے ہوئے انقلاب اسلامی کے درخشاں راستے کو استحکام اور مضبوطی کے ساتھ جاری رکھیں۔
آخر میں بارگاہِ الٰہی سے دعاگو ہوں کہ خداوند متعال آپ کو صحت و عافیت کے ساتھ طویل عمر عطا فرمائے اور اسلام و مسلمین کی خدمت میں مزید توفیقات سے نوازے۔
حسین نوری ہمدانی
18 اسفند 1404 شمسی / 9 مارچ 2026ء
