وفاق المدارس الشیعہ پاکستان کے سابق صدر حجۃ الاسلام والمسلمین علامہ نیاز حسین نقوی نے کہا کہ مسلمانوں کو ایک دوسرے کے خون کے پیاسے بننے کی بجائے، اختلاف رائے کو برداشت کرنے کا جذبہ پیدا کرنا چاہیے، مسلمان مختلف فرقوں میں بٹے ہوئے ہیں، لیکن حقیقت ہے کہ قرآن و احادیث مبارکہ میں فرقوں کا کوئی ذکر نہیں، یہ فرقے کچھ حکومتوں کے دوران پیدا کئے گئے۔ ان کا کہنا تھا کہ بنیادی اسلامی تعلیمات میں اسلامی مکاتب فکر کے درمیان کوئی اختلاف نہیں، ایک معبود،ایک کعبہ، ایک قرآن اور محمد مصطفی کو ایک نبی کے ماننے والوں کو لڑائی جھگڑے اور قتل و غارت گری کا بازار گرم کرنے کی بجائے احتیاط سے کام لینا چاہیے۔
