خصوصی کارروائی یا خصوصی فرار؛ دمشق کے مضافات میں قابض فوج پھنس گئی

اسرائیلی فوج کا ریڈیو: رات 2:52 پر، 55 ویں پیرا شوٹ بریگیڈ کی ایک ریزرو فورس نے دمشق کے مضافات میں دو شامی شہریوں کو گرفتار کرنے کے لیے کارروائی کی۔فوج کے اہلکاروں کے گھر سے نکلتے وقت، مقامی لوگوں نے ان کی ایک ہمر گاڑی پر فائرنگ کی۔
اسرائیلی چینل i24: فوجیوں کو بیت جن میں بہت قریب سے فائرنگ کا نشانہ بنایا گیا۔ اس کارروائی میں 13 فوجی زخمی ہوئے، جن میں سے تین کی حالت تشویش ناک بتائی جاتی ہے۔
شامی الاخباریہ: اسرائیلی حکومت کی فضائی جارحیت میں، جو ہیلی کاپٹروں، ڈرونز اور جنگی طیاروں کی شرکت سے کی گئی، شامی شہداء کی تعداد 10 تک پہنچ گئی ہے اور متعدد افراد ملبے تلے دبے ہوئے ہیں۔
عبرانی ویب سائٹ واللا: شمالی محاذ کی قیادت نے بیت جن میں کارروائی سے پہلے کی تیاریوں کی کمزوری پر شدید تنقید کی ہے۔ اسرائیلی فوجی ایک گھات میں اچانک پھنس گئے اور انہیں شامی علاقے کے اندر ایک ہمر گاڑی چھوڑنے پر مجبور ہونا پڑا۔ بعد میں اس گاڑی کو اسرائیلی فضائیہ نے نشانہ بنا کر تباہ کر دیا۔