وفاق ٹائمز-علوم مسلح افراد نے مشرقی افغانستان کے صوبہ ننگرہار کے “سرخ رود” شہر کی ایک جپسم فیکٹری میں 7 شیعہ کارکنوں کو بے دردی سے شہید کردیا۔
دہشت گردوں کی اس کارروائی میں شہید کارکن شیعہ ہزارہ قوم سے تعلق رکھتے تھے اور صوبہ بامیان کے رہائشی تھے۔
ننگرہار کے گورنر “جمعہ گل ہمت” نے بتایا کہ ننگرہار میں پولیس نے چار افراد کو اس جرم کا ارتکاب کرنے کے شبہہ میں گرفتار کیا ہے اور ان سے تفتیش کی جارہی ہے۔
ننگرہار کے گورنر کے ترجمان ، عطا اللہ خوگیانی نے بھی مزید کہا: “سفاک تارکین وطن نے فیکٹری کے کارکنوں کو شہید کیا ہے۔” یہ واقعہ گذشتہ بدھ ، 4 مارچ ، 2021 ، سرخ رود شہر کے گاؤں “باولی” میں پیش آیا۔
ننگرہار اسپتال کے ایک ترجمان ، “گلزادے سنگر” نے کہا: “سات افراد کی لاشیں اس اسپتال میں منتقل کر دی گئیں ہیں اور ان کارکنوں کی لاشوں پر تشدد کے آثار موجود ہیں ، جنھیں گولی مار کر شہید کرنے سے پہلے ان کے ہاتھ باندھ کر تشدد کا نشانہ بنایا گیا تھا۔”
تاحال کسی گروپ نے اس حملے کی ذمہ داری قبول نہیں کی ہے ، لیکن افغان صدر اشرف غنی نے آج طالبان دہشت گردوں کو شیعہ کارکنوں کے قتل کا ذمہ دار ٹھہرایا۔
افغانستان کے صدر کے بیان میں کہا گیا ہے، “طالبان نے ایک بار اپنے تشدد سے یہ ثابت کر دیا ہے کہ وہ امن پر یقین نہیں رکھتے اور بے گناہ لوگوں کے خون بہانے کے عادی ہیں۔”
اشرف غنی نے اپنے بیان میں ننگرہار کے مقامی حکام کو حکم دیا کہ وہ جلد از جلد مجرمین کی شناخت کر کے انہیں انصاف کے کٹہرے میں لائیں۔
Boht khoob0