8

ہمارے شہدا ہمارا فخر ہیں، ہمارے سروں کے تاج ہیں، عارف علوی

  • News cod : 22126
  • 07 سپتامبر 2021 - 11:02
ہمارے شہدا ہمارا فخر ہیں، ہمارے سروں کے تاج ہیں، عارف علوی
دہشتگردی کے خاتمے کیلئے ہماری افواج اورعوام نے بے پناہ قربانیاں دی ہیں،

وفاق ٹائمز ، یوم دفاع اور شہدا کی تقریب سے خطاب کرتے ہوئے صدر مملکت عارف علوی کا کہنا تھا کہ جنگ ستمبر میں ہم نے دشمن کے ناپاک عزائم کو ناکام بنایا، 6 ستمبرہماری قومی تاریخ میں استعارہ ہے، پاکستان کا بچہ بچہ ملک کیلئے جان دینے کیلئے تیار ہے، ہمارے شہدا ہمارا فخر ہیں، ہمارے سروں کے تاج ہیں۔

صدر عارف علوی نے کہا کہ بدقسمتی سے ہمارے ہمسائے نے ہماری آزادی کو دل سے تسلیم نہیں کیا اور بھارت نے ہرموقع پرپاکستان کونقصان پہنچانےکی کوشش کی تاہم پاکستان خطے میں امن کا خواہاں ہے، اور اس خطے کی ترقی کا راز کشمیرکے منصفانہ حل میں ہے، کشمیریوں کی اخلاقی اورسیاسی حمایت جاری رکھیں گے۔
صدر پاکستان کا کہنا تھا کہ دہشتگردی کے خاتمے کیلئے ہماری افواج اورعوام نے بے پناہ قربانیاں دی ہیں، افغانستان کے ساتھ سرحد پرباڑ لگا کرمغربی سرحد کو محفوظ بنادیا، افغانستان میں امن درحقیقت پاکستان میں امن ہے، افغانستان میں بدلتی صورتحال پرگہری نظررکھےہوئےہیں، امید ہے افغان امن کیلئے دنیا ہماری کوششوں کوحقیقت کی نظرسےدیکھےگی۔

مختصر لنک : https://wifaqtimes.com/?p=22126