وفاق ٹائمز کی رپورٹ کے مطابق ، جمعیت علماء اثنا عشریہ کرگل لداخ نے تعزیتی بیان میں کہا ہے کہ خطہ بلتستان کے مجاہد عالم دین محسن قوم و ملت مفسر قرآن ، فخر بلتستان حضرت حجت الاسلام و المسلمین شیخ محسن علی نجفی (اعلی اللہ مقامہ) کی رحلت کی خبر سن کر نہایت ہی افسوس ہوا ۔ ان کی رحلت کی خبر پورے عالم تشیع اور خاص طور پر علاقہ بلتستان و لداخ کے مومنین کے لئے ایک نا قابل تلافی نقصان ہے ۔ مرحوم نے اپنی پوری زندگی علوم آل محمد کی تحصیل تعلیم ، تدریس ترویج اور تشہیر میں صرف کی اس کے علاوہ دینی وسماجی خدمات میں ہمیشہ پیش پیش رہے ۔
آپ نے اپنی بابرکت زندگی میں سینکڑوں کتابیں لکھیں خاص طور پر تفسیر کوثر ایک عظیم شاہ کار ہے ۔ خاص طور پر الیکڑانک پینل بادی ٹی وی ، جامع الکوثر ، جامع البیت ، مدرسه حفاظ القران ، اور سکول سسٹم اور اس کے علاوہ سینکڑوں ادارے آپ کی جانب سے ملت کے لئے ایک عظیم سرمایہ ہیں ۔ جمعیت العلماء اثنا عشریہ کرگل اس موقع پر اہل بلتستان اور لداخ کے مومنین ، مرحوم کے اہل نادہ بالخصوص شیخ انو نجفی شیخ اسحاق نجفی ، جملہ لواحقین و شاگردان اور تمام ملت تشیع کی خدمت میں تعزیت و تسلیت پیش کرتے ہیں اور خداوند متعال سے دعا گو ہیں کہ مرحوم کو جوار آئمہ میں اعلیٰ مقام عطا کرے ۔ آمین
