محرم الحرام کے آغاز کے ساتھ ہی ایّام سوگواری ابا عبد اللہ الحسین علیہ السلام کے شروع ہونے کی علامت کے طور پر حرم امام رضا علیہ السلام کے گنبد مطہر پر نصب سبز پرچم کو تبدیل کر کے سیاہ پرچم نصب کر دیا گیا،محرم الحرام اور امام حسین علیہ السلام کی عزاداری کے باقاعدہ پروگراموں کا سلسلہ ’’اذن عزاء‘‘ پروگرام کے انعقاد سے کیا گیا جس میں حرم امام رضا علیہ السلام کے متولی حجت الاسلام والمسلمین احمد مروی سمیت حرم مطہر رضوی کے خادموں اور ماتمی دستوں کے نمائندوں نے بھی شرکت فرمائی،گنبد مطہر پر نصب سیاہ پرچم تین ربیع الاوّل تک اسی طرح باقی رہے گا۔
