1

ملت یمن سعودی جارحیت کے خلاف ثابت قدم ہے، سید عبدالملک الحوثی

  • News cod : 23881
  • 19 اکتبر 2021 - 13:54
ملت یمن سعودی جارحیت کے خلاف ثابت قدم ہے، سید عبدالملک الحوثی
یمن میں انصاراللہ تحریک کے سربراہ سید عبدالملک الحوثی نے نبی اکرم حضرت محمد مصطفی ص کی ولادت کی مناسبت سے جشن کی تقریب سے خطاب کرتے ہوئے امت مسلمہ کو مبارکباد پیش کی اور کہا کہ ملت یمن آل سعود رژیم کی سربراہی میں فوجی اتحاد کی جارحیت کے مقابلے میں ثابت قدم ہے۔

وفاق ٹائمز کی رپورٹ کے مطابق، انصاراللہ یمن کے سربراہ سید عبدالملک الحوثی نے عید میلاد النبی ص کی مناسبت سے دارالحکومت صنعاء میں منعقد عظیم اجتماع سے خطاب کیا ہے۔ انہوں نے کہا کہ ملت یمن پورے افتخار سے پیغمبر اکرم ص کی ولادت کا دن منا رہی ہے۔ سید عبدالملک الحوثی نے اپنے خطاب میں کہا: “ہم رسول اکرم ص کی ولادت کے دن پوری امت مسلمہ کو مبارکباد پیش کرتے ہیں۔ عید میلاد النبی ص کی مناسبت سے جشن کا انعقاد درحقیقت رحمت اللعالمین کی پیروی اور اطاعت کرنے پر دوبارہ تاکید ہے۔” انہوں نے مزید کہا: “رسول اکرم ص کی میلاد کے دن چنش منانا اس عظیم ہستی کا نام اور یاد زندہ رہنے کا باعث بنا ہے۔ یمن کے باایمان بیٹے ہر سال اس دن کو مذہبی جوش و جذبے سے مناتے ہیں۔ یمنی عوام اپنی عملی زندگی کیلئے رسول خدا ص کی سیرت سے سبق حاصل کرتے ہیں اور عالمی استکبار سے آزادی کیلئے رہنمائی لیتے ہیں۔”

انصاراللہ یمن کے سربراہ سید عبدالملک الحوثی نے کہا: “ہم پیغمبر اکرم ص کی ولادت کے دن واضح طور پر اعلان کرتے ہیں کہ مسئلہ فلسطین اور ملت فلسطین کی حمایت جاری رکھیں گے۔ ملت یمن امت مسلمہ کے برحق موقف کی ہمیشہ حامی رہے گی۔” انہوں نے کہا: “ہم زور دے کر یہ بات کہتے ہیں کہ اس پالیسی کا حصہ ہیں جس کی جانب سید حسن نصراللہ نے اشارہ کیا ہے۔ مقبوضہ بیت المقدس کو خطرے سے روبرو کرنے والی ہر کوشش ایک علاقائی جنگ کا پیش خیمہ ثابت ہو گی۔” سید عبدالملک الحوثی نے مزید کہا: “یمنی قوم اپنے کے خلاف فوجی جارحیت اور ظالمانہ محاصرے کے خاتمے تک جہاد جاری رکھے گی۔ یمن پر غیر ملکی قوتوں کے قبضے کے خاتمے تک جہاد نہیں رکے گا۔ ہم امت مسلمہ کے بیٹوں کی حمایت کا اعلان کرتے ہیں۔”

سید عبدالملک الحوثی نے کہا: “ہمیں مضبوط قدم اٹھا کر سعودی عرب اور اس کے اتحادیوں کی جارحیت کا مقابلہ کرنا ہو گا۔ میں یمن کی باعزت قوم سے چاہتا ہوں کہ وہ سعودی رژیم کے خلاف مقابلے میں ثابت قدم رہیں۔” انصاراللہ تحریک کے سربراہ نے کہا: “ہمارا اصلی اور بنیادی مقصد خودمختاری اور آزادی کا حصول ہے۔ یہ ہمارے لئے ایک مقدس مقصد ہے۔ خودمختاری اور آزادی کے حصول کی کوشش خدا کے راستے میں جہاد کے برابر ہے۔”

مختصر لنک : https://wifaqtimes.com/?p=23881