وفاق ٹائمز کی رپورٹ کے مطابق، ادارہ برائے غیر ایرانی زائرین کے سربراہ نے مہمان حفاظ قرآن کو خوش آمدید کہا اور آئمہ کرام علیہم السّلام کی روایات کی روشنی میں حضرت امام رضا علیہ السّلام کی زیارت کی فضیلت بیان کی۔
حجت الاسلام والمسلمین سید محمد ذوالفقاری نے امام رضا علیہ السّلام کی زیارت کو قرب الٰہی حاصل کرنے کا ذریعہ قرار دیا اور آنحضرت کی بامعرفت زیارت پر زور دیا۔
اردو زبان زائرین کے خادم سید شہزاد علی نقوی نے نیز ان حفاظ قرآن کو خوش آمدید کہا اور امام رضا علیہ السّلام کے فضائل بیان کرتے ہوئے ان کی بارگاہ میں نذرانہ عقیدت بھی پیش کیا۔
یہ بات بھی قابلِ ذکر ہے کہ پاکستان سے آئے ہوئے حفاظ قرآن کے وفد نے حرم حضرت امام رضا علیہ السّلام کے دار القرآن کا دورہ بھی کیا۔
