مساجد کی رونق اجتماعی نقصانات اور معاشرتی مسائل کو کم کرنے کی بنیاد ہے، امام جمعہ ایلام

وفاق ٹائمز، ایلام سے وفاق ٹائمز کی رپورٹ کے مطابق حجۃ الاسلام والمسلمین اللہ نور کریمی تبار نے صوبہ ایلام کے شہر درہ شہر میں جامع مسجد کی افتتاحی تقریب سے خطاب کرتے ہوئے کہا کہ اللہ تعالیٰ نے مسجد تعمیر کرنے والوں کے لیے شرائط مقرر کی ہیں۔ ان شرائط میں خدا اور قیامت کے دن پر ایمان لانا، نماز پڑھنا، زکوٰۃ ادا کرنا اور خدا کے علاوہ کسی سے نہ ڈرنا ہے۔ ایسے شخص کا فطری طور پر ایک مختلف طرز زندگی ہوتا ہے، مثال کے طور پر، وہ دوسروں کو نماز پڑھنے کا وسیلہ فراہم کرتا ہے اور معاشرے میں ضرورت مندوں کا بھی خیال رکھتا ہے۔
انہوں نے مزید کہا کہ امام خمینی رحمتہ اللہ نے فرمایا کہ مسجد خندق ہے اور خندق کو خالی نہ کرو اگر کوئی جنگجو خندق میں رہے تو دشمن کے تیروں اور چھریوں سے محفوظ رہتا ہے لیکن جب وہ وہاں سے نکلتا ہے تو وہ دشمن کی گولیوں کی زد میں آ جاتا ہے۔
ایلام کے امام جمعہ نے مزید کہا کہ مسجد کا خالی ہونا معاشرتی نقصانات میں اضافے، نوجوانوں کی آبادی کو کم کرنے اور شادی میں تاخیر اور مختلف معاشرتی مسائل میں اہم کردار ادا کرتا ہے، اور اس کے برعکس مساجد کی رونق ملک میں ہونے والے نقصانات اور ثقافتی اور سماجی مسائل
میں کمی کی بنیاد ہے۔
انقلاب اسلامی کی فتح کے بعد پہلی بار نماز جمعہ کہ انعقاد کے موقع پر 5 مردار ماہ کے موقع پر اس دینی عمارت کے افتتاح کا ذکر کرتے ہوئے انہوں نے مزید کہا کہ نماز جمعہ میں شرکت سے لوگوں کی سیاسی بصیرت میں اضافہ ہوتا ہے۔
واضح رہے کہ درہ شہر میں مسجد کی نئی عمارت کی تعمیر 1391 میں شروع ہوئی تھی اور اس مسجد کی تعمیر کے لیے دو رقبے پہ مشتمل 563 مربع میٹر اور 300 مربع میٹر زمین وقف ہے۔