وفاق ٹائمز کی رپورٹ کے مطابق نماٸندہ قاٸد ملت جعفریہ پاکستان و مدیر دفتر قاٸد ملت جعفریہ قم المقدسہ کی زیر صدارت دفتر میں اجلاس ہوا جس میں مچھ بلوچستان میں بے گناہ اور نہتے شیعہ ہزارہ کے بے دردی کے ساتھ قتل کی شدید مذمت کی گٸ۔
اجلاس میں حکومتی اور ریاستی اداروں کی جانب سے امن و امان کے قیام میں ناکامی پر شدید تشویش کا اظہار کیا گیا۔
دفتر قاٸد ملت کے مسٸولین نے پاکستان میں جاری احتجاج کی بھرپور حمایت اور شہداء و لواحقین کے ساتھ ھمدردی کا اظہار کیا۔
اراکین کابینہ نے زور دیتے ہوۓ کہا کہ ریاستی ادارے فی الفور المناک واقعہ میں ملوث درندوں کو قانون کے کٹہرے میں لاتے ہوۓ عوام کے سامنے حقاٸق لاٸیں، اجلاس میں شہداء کے مقدس خون سے تجدید عہد کیلٸے قاٸد ملت کے حکم پر 8 جنوری کو دفتر میں پروگرام کے حوالہ سے حتمی شکل دی گٸ۔
