فلسطین میں آزادی کی تحریک کا آغاز کب ہوا؟

فلسطین میں آزادی کی تحریک کا آغاز کب ہوا؟

انتفاضہ یا انقلاب، نئی صیہونیت مخالف تحریک کا سنگ بنیاد ہے؛ یہ تحریک ایک عظیم مقصد (فلسطین کی آزادی) کے حصول کے لیے کم سے کم وسائل کے ساتھ قائم کی گئی تھی۔
انتفاضہ یا تحریک فلسطینی عوام کی طرف سے فلسطینی عوام کی خراب صورتحال کے خلاف احتجاج کی ایک شکل ہے۔

دسمبر 1987ء میں، غزہ کی پٹی کے جبالیہ میں، تحریکِ جہادِ اسلامی فلسطین کے ایک رکن نے صیہونی گشت گروپ پر حملہ کر کے قابض حکومت کی ملٹری پولیس کے کمانڈر کو ہلاک کر دیا۔

8 دسمبر 1987ء کو بیت المقدس کی ملٹری پولیس کے کمانڈر کے قتل کا بدلہ لینے کے لیے صیہونی حکومت نے ایک ٹرک کو فلسطینی مزدوروں کی ایک لائن میں چڑھا دیا جس سے چار مظلوم مسلمان مزدور ٹرک کے پہیوں کے نیچے آکر شہید اور نو دیگر شدید زخمی ہوگئے۔

ان مسلم مزدوروں کی شہادت کے بعد فلسطین کے تمام مسلم علاقوں میں حالات کشیدہ ہو گئے اور فلسطینی مسلمان مرد و خواتین سڑکوں پر نکل آئے اور انتفاضہ (تحریک) کی بنیاد رکھی۔

اس انتفاضہ کے بعد، جس نے مقبوضہ علاقوں کی اندرونی سلامتی کو خطرے میں ڈال دیا تھا۔ فلسطین لبریشن آرگنائزیشن نے غداری اور فریب کے ذریعے صیہونی حکومت کے ساتھ امن مذاکرات میں انتفاضہ کو ایک سودے بازی کے طور پر استعمال کیا۔

انتفاضہ کے ایک سال بعد، تنظیم نے الجزائر میں 19ویں فلسطینی قومی کانفرنس میں صیہونی حکومت کے شانہ بشانہ ایک فلسطینی ریاست کے قیام کی منظوری دی اور قرارداد 242 اور 338 کو قبول کیا، جس میں اس حکومت کے وجود کو تسلیم کیا گیا تھا اور فلسطینیوں کو عرب پناہ گزینوں کے طور پر تسلیم کیا گیا تھا۔

اوسلو معاہدے کے نام سے مشہور اس معاہدے نے 1991ء میں پہلی انتفاضہ (تحریک) کو ختم کیا۔

اعداد و شمار کے مطابق، پہلی انتفاضہ (تحریک) کے واقعات کے دوران اسرائیلی فوج کے ہاتھوں تقریباً 3 ہزار فلسطینی شہید ہوئے اور دوسری جانب 160 صہیونی مارے گئے۔