26

اسرائیل کو طاقت کی زبان ہی سمجھ آتی ہے، رہبر معظم انقلاب اسلامی

  • News cod : 17107
  • 12 می 2021 - 2:15
اسرائیل کو طاقت کی زبان ہی سمجھ آتی ہے، رہبر معظم انقلاب اسلامی
صیہونیوں کے خبیثانہ اقدامات دنیا کے عوام کی آنکھ کے سامنے ہیں۔ سب کا فریضہ ہے کہ صیہونیوں کی حالیہ خبیثانہ، مجرمانہ اور وحشیانہ کارروائیوں کی مذمت کریں۔"

وفاق ٹائمز کی رپورٹ کے مطابق،رہبر معظم انقلاب اسلامی حضرت آیت اللہ العظمیٰ خامنہ ای نے ایرانی طالبعلموں اور طلبہ تنظیموں کے نمائندوں سے ویڈیو لنک کے ذریعے اپنے خطاب میں فرمایا : “دنیائے اسلام میں رونما ہونے والے خونریزی کے ان دو سانحوں پر اپنی ہمدردی کا اظہار کرنا لازمی سمجھتا ہوں۔ ایک افغانستان کا تلخ اور المناک سانحہ اور مظلوم غنچوں کی شہادت ہے جو بے خطا حملے کا نشانہ بنائی گئیں اور زندگی سے محروم ہو گئیں۔ اللہ کی لعنت ہو ان عناصر پر جو اس انداز سے جرائم کی انتہا کر دیتے ہیں اور بڑی تعداد میں بے گناہ بچیوں کے قتل کو بھی مباح سمجھتے ہیں۔”

رہبر انقلاب اسلامی آيت اللہ العظمی خامنہ ای نے فرمایا: ” دوسرا سانحہ مسجد الاقصی، فلسطین اور قدس شریف کے واقعات سے مربوط ہے۔ صیہونیوں کے خبیثانہ اقدامات دنیا کے عوام کی آنکھوں کے سامنے ہیں۔ سب کا فریضہ ہے کہ صیہونیوں کی حالیہ خبیثانہ، مجرمانہ اور وحشیانہ کارروائیوں کی مذمت کریں۔”

رہبر انقلاب اسلامی کا کہنا تھا کہ خوش قسمتی سے فلسطینی بیدار اور پرعزم ہیں۔ انھیں (اسی راہ پر) آگے بڑھنا بھی چاہئے۔ ان مجرم عناصر سے صرف طاقت کی زبان میں ہی بات کی جا سکتی ہے۔ فلسطینی خود کو مضبوط بنائیں، استقامت کریں، مقابلہ کریں اور دشمن کو جرائم سے باز آنے اور حق و انصاف کی بات تسلیم کرنے پر مجبور کر دیں۔

مختصر لنک : https://wifaqtimes.com/?p=17107