وفاق ٹائمز، وفاقی وزیر اطلاعات و نشریات فواد چوہدری نے ٹوئٹ کرتے ہوئے بتایا کہ افغانستان کے استحکام اور سلامتی کیلئے پاکستان کی کوششیں جاری ہیں،
وزیراعظم عمران خان نے افغانستان کے سابق صدر حامد کرزئی سے فون پر گفتگو کی، پاکستان افغانستان کے مسئلے پر ایک خصوصی کانفرنس کی میزبانی کر رہا ہے اس کانفرنس کی تفصیلات جلد سامنے لائی جائیں گی۔
فواد چوہدری نے کہا کہ مجوزہ کانفرنس میں حامد کرزئی سمیت اہم ترین افغان قیادت کو شمولیت کی دعوت دی گئی ہے، ہمیں امید ہے کہ اس اہم پیش رفت کے نتیجے میں افغانستان کے مسائل کے حل کی نئی امید جاگے گی۔
علاوہ ازیں وزیرِ اعظم عمران خان دو روزہ دورے پر ازبکستان روانہ ہوگئے ہیں۔ اس حوالے سے فواد چوہدری نے بتایا کہ یہ دورہ معاشی اور سیکیورٹی اعتبار سے بہت اہم ہے، افغانستان میں امن کیلئے پاکستان ہر کوششش کررہا ہے۔
