1

علامہ شبیر حسن میثمی کی قیادت میں شیعہ علماءکونسل کے وفد کی وزیرداخلہ پنجاب عطاءاللہ تارڑ سے ملاقات

  • News cod : 34951
  • 03 ژوئن 2022 - 21:37
علامہ شبیر حسن میثمی کی قیادت میں شیعہ علماءکونسل کے وفد کی وزیرداخلہ پنجاب عطاءاللہ تارڑ سے ملاقات
علامہ شبیر حسن میثمی کی قیادت میںوفد نے وزیرداخلہ پنجاب عطاءاللہ تارڑ سے لاہور میں ملاقات کی ۔ملاقات میں شیعہ علما ءکونسل کے رہنما قاسم علی قاسمی، سید حسن شاہ ترمذی، اور صغیر عباس ورک بھی شامل تھے۔ ملاقات میں مجالس عزا ، آئندہ ماہ محرم الحرام کے معاملات اور گزشتہ سال ناجائز طور پر درج ہونے والی ایف آئی آرز کے معاملات زیر بحث آئے ۔

وفاق ٹائمز کی رپورٹ کے مطابق، شیعہ علماءکونسل کے مرکزی سیکرٹری جنرل علامہ شبیر حسن میثمی کی قیادت میںوفد نے وزیرداخلہ پنجاب عطاءاللہ تارڑ سے لاہور میں ملاقات کی ۔ملاقات میں شیعہ علما ءکونسل کے رہنما قاسم علی قاسمی، سید حسن شاہ ترمذی، اور صغیر عباس ورک بھی شامل تھے۔ ملاقات میں مجالس عزا ، آئندہ ماہ محرم الحرام کے معاملات اور گزشتہ سال ناجائز طور پر درج ہونے والی ایف آئی آرز کے معاملات زیر بحث آئے ۔وفد نے عزاداری کے انعقاد کے حوالے سے پنجاب میں درپیش مسائل پر حکومت کی توجہ مبذول کروائی اور واضح کیا کہ ناجائز اقدامات پر ملت جعفریہ میں تشویش پائی جاتی ہے کہ مجالس امام حسین علیہ السلام اور ماتمی جلوسوں میں رکاوٹیں ڈالی گئیں۔چاردیواری اور امام بارگاہوں کے اندر ہونے والی مجالس میں بھی پولیس نے ناجائز طور پرایف آئی آرز درج کیں۔جوکہ بنیادی شہری حقوق کی خلاف ورزی ہے۔ علامہ شبیر میثمی نے واضح کیا کہ عزاداری پر کسی قسم کی قدغن ناقابل قبول ہے۔ حکومت غیر آئینی اقدامات کا خاتمہ کرے۔فورتھ شیڈول میں شریف شہریوں کو ڈالا گیا ہے، جبکہ دہشت گرد دندناتے پھر رہے ہیں۔ عطاتارڑ نے شیعہ علماءکونسل کے وفد کو تعاون کی یقین دہانی کرواتے ہوئے ہوم سیکرٹری کو شکایات دورکرنے کی ہدایت بھی کی۔ملاقات میں قومی، ملی اور مذہبی حوالے سے درپیش مشکلات کے بروقت حل کے لیے باہمی روابط کے فروغ پر بھی اتفاق کیا گیا۔ عطاءتارڑ نے وفد کو یقین دلایا کہ ان کی حکومت پنجاب سمیت دیگر صوبوں میں بھی ان تمام مسائل کے حل لیے بھرپو تعاون کرے گی۔

مختصر لنک : https://wifaqtimes.com/?p=34951