وفاق ٹائمز، فلسطین فاؤنڈیشن پاکستان نے غزہ کے اسپتال پر صیہونی حملے کی شدید الفاظ میں مذمت کی ہے۔ اپنے مذمتی بیان میں ترجمان فلسطین فاؤنڈیشن پاکستان کا کہنا ہے کہ غزہ کے اسپتال پر اسرائیلی حملہ بدترین سفاکیت ہے، امریکا اور برطانیہ سمیت یورپی ممالک مظلوم فلسطینیوں کے قتل عام کے ذمہ دار ہیں۔
ترجمان نے کہا کہ غزہ پر صیہونی جارحیت اسرائیل کی شکست کی علامت ہے، مسلم دنیا کے حکمران بیانات سے آگے بڑھ کر عملی اقدامات کریں، غزہ پر صیہونی درندگی نے امریکا اور مغربی حکومتوں کا سیاہ چہرہ عیاں کر دیا ہے۔












