وفاق ٹائمز کی رپورٹ کے مطابق ، تولیت حرم مطہر حضرت معصومہ سلام اللہ علیہا نے لوگوں کو مساجد کی طرف راغب کرنے کی ضرورت پر زور دیتے ہوئے کہا کہ وہ مسجد جو معاشرے میں وحدت کو نقصان پہنچائے، اس کا حکم مسجد ضرار جیسا ہے، جبکہ افراد کی اہلیت سازی اور تربیت مسجد میں ہونی چاہیے۔
آیت اللہ سید محمد سعیدی نے آج صبح حرم مطہر حضرت فاطمہ معصومہ سلام اللہ علیہا کے ہال میں منعقدہ صوبہ قم کی مساجد کی ترقی کی کونسل کے اجلاس میں مساجد کی صلاحیتوں کے زیادہ سے زیادہ استعمال پر زور دیا اور کہا کہ مسجد کو اس طرح عمل کرنا چاہیے کہ تاریخی انحرافات کا مقابلہ کر سکے۔
امام جمعہ قم نے مزید کہا کہ وہ مسجد جس کی سرگرمیاں مسجد ضرار جیسی ہوں، حقیقت میں وہ معاشرے کو نہ صرف کوئی فائدہ نہیں دیتی بلکہ نقصان بھی پہنچاتی ہے۔
تولیت حرم مطہر بانوی کرامت نے مزید کہا کہ مسجد انسانوں کی زندگی میں ایک مرکزی اور اہم کردار ادا کرتی ہے اور جو لوگ مساجد کی ترقی میں سرگرم ہیں، انہیں مسجد کے کرداروں کو صحیح طور پر بیان کرنا چاہیے۔
آیت اللہ سعیدی نے اس بات پر زور دیا کہ تاریخی انحرافات کو روکنے میں ناکامی کی صورت میں مسجد صرف نماز کے لیے ایک جگہ بن کر رہ جائے گی اور اپنے کردار اور اثر و رسوخ کو کھو دے گی۔
انہوں نے مزید کہا کہ وہ مسجد جو معاشرے میں وحدت کو نقصان پہنچائے، اس کا حکم مسجد ضرار جیسا ہے، جبکہ افراد کی اہلیت سازی اور تربیت مسجد میں ہونی چاہیے۔
