0

امام حسین کی سیرت طیبہ امت محمدیہ کے لیے محبت اور وحدت کا پیغام ہے، مولانا باقر گھلو

  • News cod : 59959
  • 04 فوریه 2025 - 19:00
امام حسین کی سیرت طیبہ امت محمدیہ کے لیے محبت اور وحدت کا پیغام ہے، مولانا باقر گھلو
شہید کربلا محسن انسانیت اور محافظ دین اسلام بھی ہیں، مولانا محمد باقر گھلو کا جامعتہ المنتظر میں خطاب

وفاق ٹائمز، نواسہ رسول ، جگر گوشہ علی و بتول تیسرے تاجدار امامت حضرت امام حسین علیہ السلام کا یوم ولادت مذہبی جوش و جذبے سے منایا گیا ۔ مساجد،مدارس، امام بارگاہوں اور گھروں میں میلاد مسعود کی تقریبات کا اہتمام کیا گیا ،چراغاں کیا گیا اوراہل ایمان محبان اہل بیت و عاشقا ن مصطفی نے ایک دوسرے کوولادت محسن انسانیت پر مبارکباد یںبھی پیش کیں۔

وفاق المدارس الشیعہ پاکستان کے اعلان کے مطابق مدارس دینیہ میں عام تعطیل کی گئی۔

جامع علی مسجد حوز ہ علمیہ جامعة المنتظر کو ولادت با سعادت حضرت امام حسین علیہ السلام کے سلسلے میں سجایا گیا ،چراغاں کیا گیا۔

جامع مسجد علی حوزہ علمیہ جامعة المنتظرمیں ولادت با سعادت کی تقریب سے خطاب کرتے ہوئے حجة الاسلام والمسلمین مولانا محمد باقر گھلو نے کہا کہ امام حسین علیہ السلام کی سیرت طیبہ امت محمدیہ کے لیے محبت اور وحدت کا پیغام ہے، شہید کربلا محسن انسانیت اور محافظ دین اسلام بھی ہیں۔انہوں نے کہا امام حسین علیہ السلام کی قربانی کی وجہ سے آج ہمیں قرآن اوراذان ملی ہے اور ہم اللہ کے حضور سجدہ ریز ہیں ،تو یہ سب کربلا میں امام حسین علیہ السلام کی عظیم قربانی کا نتیجہ ہے۔

انہوں نے کہا کہ 3شعبان مدینہ منورہ میں جنت کے سردار کی آمد ہے ،جنہوں نے امت کی شفاعت کرنی ہے ۔مولانا باقر گھلو نے کہا دنیا کا دستور ہے کہ اولاد، باپ اور دادا پر ناز کرتی ہے، جبکہ حسین وہ شخصیت ہیں کہ جن پر خود سرور کائنات حضرت محمد مصطفی صلی اللہ علیہ والہ وسلم ناز کرتے ہیں ۔سردار الانبیاءکی زبان مبارک سے حدیث ہے کہ حسین ہدایت کا چراغ اور کشتی نجات ہیں، گویا رسول فرما رہے ہیں کہ میرے حسین سے متمسک ہو جاو ¿ تمہیں ہدایت اور نجات مل جائے گی۔علمدارکربلا حضرت عباس علیہ السلام کا یوم ولاد ت آج 4 شعبان کو منایا جائے گا۔

مختصر لنک : https://wifaqtimes.com/?p=59959

ٹیگز