وفاق ٹائمز کی رپورٹ کے مطابق، حضرت آیت اللہ العظمیٰ سید علی سیستانی نے کابل میں سید الشہداء اسکول پر دہشت گردوں کے حملے کی شدید مذمت کرتے ہوئے کہا کہ رمضان المبارک کے مقدس مہینے میں کابل میں لڑکیوں کے اسکول سید الشہدا پرحملہ اور اس خوفناک جرم کے نتیجہ میں درجنوں افراد کی شہادت اور زخمی ہونے سے ہر آزاد اور باضمیر انسان کے دل کو تکلیف پہنچی۔
انہوں نے مزید کہا کہ اگرچہ افغانستان کے بے گھر شہری کئی برسوں سے انتہا پسند اور بے رحم گروہوں کے بے دردی سے حملوں کا شکار ہیں لیکن یہ جرم بہت ہی تکلیف دہ ہے۔ ہم افغانستان کے معزز اور مظلوم عوام خصوصا سوگوار خاندانوں سے دلی تعزیت پیش کرتے ہیں اور اللہ تعالٰی سے ان کے صبر جمیل اور زخمیوں کی جلد صحتیابی کی دعا کرتے ہیں، افغانستان کی موجودہ مشکل صورتحال میں اور اس ملک کے تمام نسلی گروہوں اور قومیتوں کے مابین شدت پسندی اور انتہا پسند گروہوں کو زیادہ سے زیادہ طاقت حاصل کرنے کے امکان پر غور ، حکومت اور قومی و مذہبی رہنماؤں کی ضرورت ہےنیز بزرگوں سے توقع کی جاتی ہے کہ افغان معاشرے کو عام شہریوں خصوصا نسلی اور مذہبی اقلیتوں کو دہشت گرد گروہوں کے ظلم و ستم سے بچانے کے طریقوں کے بارے میں سوچنا چاہئے اور مناسب اقدامات کرنا چاہئے۔
انہوں نے مزید کہا کہ مسلم ممالک اور عالمی برادری کا بھی یہ فرض ہے کہ وہ ان مشکل حالات میں افغانستان کی بے بس قوم کو تنہا نہ چھوڑیں اور اس ملک کے مستقبل کے لئے بیمار افراد کے تیار کردہ مذموم منصوبے کو عملی جامہ پہنانے کی اجازت نہ دیں کہ وہ اس کے نتیجے میں زیادہ بے گناہ لوگوں کو انتہا پسند گروہوں کے مجرمانہ حملوں کا نشانہ بنائیں، ہم اللہ تعالٰی سے دعا گو ہیں کہ وہ افغانستان کے معزز عوام کے وقار اور فخر کو ہمیشہ قائم رکھے۔
