گلگت ریجن کے آئمہ جمعہ کا اجلاس/تکفیری گروہ بیرونی ایجنڈے پر مسلمانوں میں اختلافات ایجاد کر رہا ہے

آئمہ جمعہ گلگت ریجن کا اجلاس زیر صدارت علامہ آغا سید راحت حسین الحسینی مرکزی امامیہ جامع مسجد گلگت میں منعقد ہوا، جس میں گلگت بھر سے آئمہ جمعہ امامیہ نے شرکت کی۔ اجلاس سے خطاب کرتے ہوئے آغا سید راحت حسین الحسینی نے کہا علماء کرام دین کے پیشوا اور قوم کے رہبر ہیں، منصب کے لحاظ سے ان پر بڑی گرانقدر ذمہ داریاں عائد ہوتی ہیں، اس لیے ہم سب کا فرض ہے ہم تزکیہ نفس کیساتھ ان عظیم ذمہ داریوں کو پوری طرح محسوس کریں۔