خدا کی یاد اور خدا سے رابطہ انسان کے دل میں اطمینان پیدا کرتا ہے،علامہ غلام عباس رئیسی

ممتاز عالم دین علامہ غلام عباس رئیسی نے کہا کہ مؤمن اور کافر کی نگاہ میں فرق ہے، دنیا سے مومن اور کافر دونوں استفادہ کرتے ہیں، لیکن کافر دنیا اور اس کی آسائشوں کو ہدف سمجھتا ہے جبکہ مؤمن اسے وسیلہ قرار دیتا ہے۔ مؤمن تمام الہی نعمتوں کو حتی شہوات اور خواہشات کو بھی کمال حاصل کرنے، امتحان میں کامیاب ہونے اور خدا تک پہنچنے کے لئے استعمال کرتا ہے اور کافر خواہشات کو وسیلہ قرار دینے کے بجائے ان کی پیروی کرتا ہے، مؤمن خواہشات کی پیروی نہیں کرتا ہے۔