حوزہ علمیہ مدینتہ العلم کوپن ھیگن ڈنمارک کی جانب سے حرم امام رضا (ع) پر امریکی پابندی کی شدید مذمت

حجت الاسلام و المسلمین سید مرید حسین نقوی کی جانب سے جاری ایک بیان میں کہا ہے کہ آستان قدس رضوی اور اس کے متولی حجۃ الاسلام والمسلمین شیخ احمد مروی کا نام دہشت گردوں کی فہرست میں شامل اور ان پر پابندیاں عائد کرنا ناقابل قبول شرمناک، قابل مذمت ہے۔ آستان قدس رضوی، عبادت کے لئے ایک مقدس مقام ہے اور لوگوں کی نظر میں اس کا اہم روحانی اور معنوی مرتبہ ومقام ہے بنابریں ہم امریکا کے اس حماقت آمیز قدم کو دین مبین اسلام اور روحانی و آسمانی اقدار کی توہین سمجھتے ہيں۔