18

ملک بھر میں جشن عید میلادالنبی (ص) عقیدت و احترام کے ساتھ منایا جارہا ہے

  • News cod : 23865
  • 19 اکتبر 2021 - 12:18
ملک بھر میں جشن عید میلادالنبی (ص) عقیدت و احترام کے ساتھ منایا جارہا ہے
جشن عید میلاد النبی (ص)کے سلسلے میں ملک کے چھوٹے بڑے شہروں میں جلسے جلوسوں اور ریلیوں کا اہتمام کیا گیا ہے جن میں حضور نبی کریم(ص) سے محبت کا اظہار کیا جارہا ہے۔ عاشقان رسول(ص) اپنے اپنے انداز میں والہانہ محبت کا اظہار کریں گے جب کہ ملک کے مختلف شہروں میں جلسوں سے جید علمائے کرام بھی خطاب کریں گے جن میں سیرت النبی(ص)بیان کی جائے گئی۔

وفاق ٹائمز کی رپورٹ کے مطابق، سید المرسلین اور آقائے دوجہاں حضرت محمد مصطفی (ص)کی ولادت باسعادت کا جشن آج ملک بھر میں عقیدت و احترام اور مذہبی جوش و خروش کے ساتھ منایا جارہا ہے۔

آقائے دو جہاں نبی آخر الزماں حضرت محمد مصطفی(ص)کے جشن ولادت کے روز صبح بہاراں كا آغاز بارگاہ رسالت(ص) میں ہدیہ درود و سلام اور اجتماعی دعاؤں سے ہوا جس میں ملک کی سلامتی و خوشحالی کے لیے دعائیں مانگی گئیں۔

پاک فوج کی جانب سے دارالحکومت اسلام آباد میں 31 جب کہ صوبائی دارالحکومتوں کراچی، لاہور، پشاور اور کوئٹہ میں 21، 21 توپوں کی سلامی دی گئی۔
جشن عید میلاد النبی (ص)کے سلسلے میں ملک کے چھوٹے بڑے شہروں میں جلسے جلوسوں اور ریلیوں کا اہتمام کیا گیا ہے جن میں حضور نبی کریم(ص) سے محبت کا اظہار کیا جارہا ہے۔ عاشقان رسول(ص) اپنے اپنے انداز میں والہانہ محبت کا اظہار کریں گے جب کہ ملک کے مختلف شہروں میں جلسوں سے جید علمائے کرام بھی خطاب کریں گے جن میں سیرت النبی(ص)بیان کی جائے گئی۔

جشن عید میلاالنبی(ص) کے موقع پر کراچی سمیت ملک کے چھوٹے بڑے شہروں میں سیکیورٹی کے سخت انتظامات کیے گئے ہیں۔ جلوس اور ریلیوں کی سیکیورٹی کے لیے پولیس کے خصوصی دستے تعینات کیے گئے ہیں۔ کراچی میں مرکزی جلوس کی سیکیورٹی پر ساڑھے 4 ہزار سے زائد پولیس اہل کار تعینات کیے گئے ہیں۔

جشن عید میلادالنبی(ص) کے سلسلے میں عاشقان رسول (ص) نے اپنے گھروں کو خوبصورت برقی قمقموں سے سجا رکھا ہے جب کہ پارلیمنٹ ہاؤس، وزیراعظم ہاؤس، ایوان صدر سمیت سرکاری و غیر سرکاری عمارتوں کو بھی خوبصورتی سے سجایا گیا ہے۔

علاوہ ازیں مختلف شہروں میں خانہ کعبہ اور مسجد نبوی (ص) کے خوبصورت ماڈل بھی سڑکوں پر رکھے گئے ہیں جو عوام کی توجہ کا مرکز بنے ہوئے ہیں۔

عید میلاد النبی(ص) شایان شان طریقے سے منائیں گے، وزیراعظم

دوسری جانب وزیراعظم عمران خان نے اپنے ٹویٹ میں کہا کہ ہم اپنے رسول مکرم (ص)کا یومِ ولادت یعنی ”عیدمیلاد النبی (ص)“ نہایت شایانِ شان طریقے سے ملک بھر میں منائیں گے، صبح صدرِ مملکت ایک تقریب کی میزبانی کریں گے جب کہ مجھے سہ پہر میں کنونشن سینٹر میں یہ بابرکت دن منانے کا شرف حاصل ہوگا، انشاءاللہ!

مختصر لنک : https://wifaqtimes.com/?p=23865

ٹیگز