وفاق ٹائمز، منگل 8 نومبر کو ہونے والے امریکی وسط مدتی انتخابات میں امریکی ایوان نمائندگان کی تمام 435 نشستوں، سینیٹ کی 100 نشستوں میں سے 35 اور گورنر شپ کی 36 نشستوں کے لیے ووٹ ڈالے گئے۔
فلسطینی نژاد 28 سالہ خاتون روئی رومن نے اپنی انتخابی مہم میں اس بات پر زور دیا کہ حکومت کو سب کے فائدے کے لیے کام کرنا چاہیے اور ساتھ ہی انھوں نے تعلیم کو مکمل طور پر فنڈ دینے، اقتصادی مواقع کے خلا کو ختم کرنے، صحت کی دیکھ بھال تک رسائی کو بڑھانے اور ووٹنگ کے حقوق کی حمایت کی۔
یہ سیاسی کارکن 1994 میں اردن میں فلسطینی والدین کے ہاں پیدا ہوئیں اور جب وہ 7 سال کی تھیں تو ان کا خاندان ریاست جارجیا میں ہجرت کر گیا۔
رومن نے 2019 میں جارج ٹاؤن یونیورسٹی کے McCourt سکول آف پبلک پالیسی سے پبلک پالیسی میں ماسٹر کی ڈگری حاصل کی۔
اس کے بعد وہ سیاسی میدان میں داخل ہوگئیں اور خود کو شہری شرکت (سول پارٹنرشپ)، سیاسی سرگرمیوں، بین المذاہب مکالمے اور معاشرے کی خدمت میں دلچسپی رکھنے والے کے طور پر متعارف کرایا۔
روئی رومن نے 2014 کے بعد سے ہر الیکشن میں رضاکارانہ طور پر حصہ لیا ہے۔ انہوں نے ریاست جارجیا میں مسلم ووٹرز انیشی ایٹو کے فیلڈ آرگنائزر اور کونسل آن امریکن اسلامک ریلیشنز کی جارجیا برانچ کے ڈائریکٹر کمیونیکیشن کے طور پر بھی کام کیا ہے۔
