0

مرجع عالی قدر حضرت آیۃ اللہ العظمیٰ الحاج حافظ بشیر حسین نجفی سے انجمن غلامان سیدہ زینب لکھنؤ کے وفد کی ملاقات

  • News cod : 59991
  • 04 فوریه 2025 - 19:25
مرجع عالی قدر حضرت آیۃ اللہ العظمیٰ الحاج حافظ بشیر حسین نجفی سے انجمن غلامان سیدہ زینب لکھنؤ کے وفد کی ملاقات
حضرت آيت الله العظمیٰ الحاج حافظ بشیر حسین نجفی نے حضرات علماء کرام سے خطاب کرتے ہوئے فرمایا کہ لکھنؤ کا حوزہ علمیہ ‏اپنی مثال آپ تھا میری خواہش ہے کہ میری زندگی میں لکھنؤ کے حوزہ علمیہ کی جوانی پلٹ آئے اس کے ‏لئے مشترکہ جد و جہد کی ضرورت ہے

وفاق ٹائمز، مرجع مسلمين و جہان تشيع حضرت آيت الله العظمیٰ الحاج حافظ بشیر حسین نجفی ‏نے مرکزی دفتر نجف اشرف میں لکھنؤ ہندوستان سے انجمن غلامان سیدہ زینب علیھا السلام کے وفد کا حجۃ ‏الإسلام والمسلمین علامہ سید شمیم الحسن کی سربراہی میں خیر مقدم فرمایا ،‎ ‎وفد میں انجمن کے ‏ممبران ، حضرات علماء کرام اور شعراء کے علاوہ شہر بنارس سے تعلق رکھنے والے ‌‎ ‎جناب ارشاد علی ‏صاحب نے اپنے ہاتھوں سے آب زمزم اور خاک شفا سے تحریر کردہ قران مجید کے تیسویں پارے کو پیش ‏کیا جس پر مرجع عالی قدر نے ان کی یہ کاوش بارگاہ ایزدی میں مقبول ہو اور ان کی مزید ‏توفیقات کے لئے دعا کی۔

انہوں نے حضرات علماء کرام سے خطاب کرتے ہوئے فرمایا کہ لکھنؤ کا حوزہ علمیہ ‏اپنی مثال آپ تھا میری خواہش ہے کہ میری زندگی میں لکھنؤ کے حوزہ علمیہ کی جوانی پلٹ آئے اس کے ‏لئے مشترکہ جد و جہد کی ضرورت ہے اور امید ہے کہ حضرات علماء کرام اپنی بھرپور کوششوں سے لکھنؤ کے ‏حوزے کی جوانی پلٹائیں گے ۔

واضح رہے کہ انجمن غلامان سیدہ زینب گذشتہ گیارہ سالوں سے مرکزی دفتر کی زیر نگرانی اور بمشارکت حجۃ ‏الاسلام شیخ علی نجفی ( حضرت آيت الله العظمیٰ الحاج حافظ بشیر حسین نجفی  کے فرزند اور مرکزی دفتر کے مدیر ) بین ‏الحرمین کربلاء مقدسہ میں ۳ شعبان کو عالمی جشن صبر و وفا کا اہتمام کرتی ہے اس سال بھی اس جشن کے ‏لئے انجمن کا وفد تشریف لایا ہے ، وفد نے جشن کی تیاریوں اور جشن کے متعلق تفصیلات مرجع عالی قدر  کی خدمت میں پیش کی جس پر انہوں نے انجمن کو مبارکباد دیتے ہوئے جشن کی کامیابی ‏کے لئے دعا فرمائی۔ ‏

دوسری جانب انجمن نے مرکزی دفتر کا ان کے تعاون اور سرپرستی پر شکریہ ادا کیا۔ ‏

مختصر لنک : https://wifaqtimes.com/?p=59991

ٹیگز