علامہ شیخ سحر بلتستانی کی وفات سے پوری قوم علم وادب کے چراغ سے محروم ہوگئی، حجۃ الاسلام سید ظفرنقوی

دفتر قائد ملت جعفریہ پاکستان شعبہ قم کے مدیرحجۃ‌الاسلام سید ظفر علی شاہ نقوی صاحب نے علامہ شیخ غلام حسین سحر بلتستانی کی وفات پر گہرے افسوس کا اظہار کرتے ہوئے کہا کہ علامہ سحر بلتستانی کی وفات سے بزم علم وادب کے چراغ بجھ گئے اور علاقہ ایک عالم باعمل اور شاعر و ادیب سے محروم ہوگیا ۔شیخ سحر بلتستانی میدان علم وادب کے مایہ ناز ،مجاہداورمتقی عالم دین تھے۔ وہ حسن اخلاق اور زہدو پرہیزگاری میں اپنی مثال آپ تھے ۔