خانہ فرھنگ لاہور کے تحت آن لائن “فلسطین” کانفرنس/ڈیل آف دی سینچری بری طرح ناکام ہوگئی، مقریرین

لاہور میں موجود خانہ فرہنگ اسلامی جمہوریہ ایران کے زیراہتمام آن لائن فلسطین کانفرنس سے خطاب میں مقریرین کا کہنا تھا کہ عالمی استکبار اور صہیونزم نے مشرق وسطی میں تکفیری گروہوں کی تشکیل کے ذریعے قدس اور فلسطین کے مسئلے سے توجہ ہٹانے کا منصوبہ بنایا تھا جو خوش قسمتی سے تکفیری خطرناک تحریک کے خاتمے کے ساتھ ہی خاک میں مل گیا۔ الحمد للہ خطے میں عالم اسلام کی توجہات ایک بار پھر فلسطین اور قدس کو آزاد کرنے کی طرف مبذول ہوچکی ہیں۔