آزادکشمیر کی صورتحال؛ صدر مملکت نے ہنگامی اجلاس طلب کرلیا
جمعہ کے روز انجمن امامیہ بلتستان کا ہنگامی اجلاس ہوا جس میں قرارداد منظور کی گئی۔ قرارداد میں کہا گیا کہ بلتستان شیعہ اکثریتی علاقہ ہونے کے ناطے بلد المومنین کہلاتا ہے اور عاشورا کا جلوس آئین پاکستان کے مطابق سرکاری روڈ سے گزارنا ہمارا آئینی، قانونی حق ہے، جس کیلئے کسی کی اجازت کی ضرورت نہیں ہے۔
ایم ڈبلیو ایم جی بی کے صوبائی سربراہ کا کہنا تھا کہ گانچھے پولیس بھی اس واقعے میں ملوث لگتی ہے، کریس تھانہ کے تمام عملہ کو تبدیل کیا جائے۔ مسجد اور علم کی بیحرمتی ہم برداشت نہیں کرینگے، جب تک انتظامیہ ایکشن نہیں لیتی ہم خاموش نہیں رہیں گے۔
رپورٹ کے مطابق، حالات کے پیش نظر بلتستان کے دیگر مقامات خصوصا سکردو سے کئی علمائے کرام اور عمائدین اس وقت غواڑی پہنچ گئے ہیں جبکہ قائد بلتستان علامہ شیخ محمد حسن جعفری نے اپنے ایک مذمتی بیان میں جلوس پر پتھراؤ کرنے اور بلتستان کے امن کو خراب کرنے والوں کو جلد از جلد گرفتار کرنے کا مطالبہ کرتے ہوئے عوام سے پرامن رہنے کی اپیل کی ہے.