اگر ایران ایٹمی اسلحہ بنانا چاہتا تو صیہونی ٹولہ تو کیا اس کے بڑے بھی نہیں روک سکتے تھے، رہبر انقلاب اسلامی

رہبر انقلاب اسلامی نے فرمایا کہ بین الاقوامی صیہونی مسخرہ کہتا ہے کہ ہم ایران کو ایٹمی ہتھیار نہیں بنانے دیں گے۔ پہلی بات یہ کہ اگر ہم نے ارادہ کر لیا ہوتا تو ان کے بڑے بھی ہمیں روک نہ پاتے۔ دوسرے یہ کہ ہم ایٹمی ہتھیار بنانے کی کوشش میں نہیں ہیں۔ اسلام کے اصولوں اور تعلیمات کی رو سے جو ہتھیار عام انسانوں کے قتل عام کی وجہ بنے، ممنوع ہے۔ مگر امریکہ نے ایٹم بم استعمال کرکے 2 لاکھ 20 ہزار لوگوں کا قتل عام کیا۔