9

جناب فاطمہ زہراء س نے دین کی حفاظت اور اسکے دفاع میں مصیبتوں پر صبر کیا، آیت اللہ حافظ بشیر نجفی 

  • News cod : 41133
  • 09 دسامبر 2022 - 8:49
جناب فاطمہ زہراء س نے دین کی حفاظت اور اسکے دفاع میں مصیبتوں پر صبر کیا، آیت اللہ حافظ بشیر نجفی 
جو جرم جناب زہراء ؑ کے حق میں کیا گیا در حقیقت وہ انسان اور انسانیت کے حق میں جرم ہے

 وفاق ٹائمز کی رپورٹ کے مطابق، آیۃ اللہ حافظ بشیر حسین نجفی نے مرکزی دفتر نجف اشرف سے حرم حضرت امیر المومنین علیہ السلام تک جلوس عزاء میں شریک ہوئے۔

اس موقع پر آیت اللہ حافظ بشیر نجفی نے کہا کہ جناب فاطمہ زہراء علیھا السلام کی مصیبت اور ان کے غم کی بقا حقیقی اسلام محمدی کی بقا ہے اور اہل بیت علیھم السلام سے تجدید ولایت بھی ہے ۔ انہوں نے کہا کہ جناب فاطمہ زہراء علیھا السلام نے مشیئت الٰہی کے مطابق اپنے بابا رسول اللہ ؐ کے دین کی حفاظت اور اسکے دفاع میں مصیبتوں پر صبر کیا ۔

انہوں نے مزید کہا کہ جناب فاطمہ زہراء علیھا السلام انسان اور انسانیت کے لئے عظیم نمونہ عمل ہیں اور وہ انسان کے حقیقی کمال کی نمائندگی کرتی ہیں جسے اللہ سبحانہ چاہتا ہے اور اس سے محبت کرتا ہے، اس لیے وہ خداکی رضا اور غضب کا ذریعہ تھیں۔

جلوس عزاء کا آغاز مرکزی دفتر نجف اشرف سے ہوا اور غمگین فضا میں عزائی نعروں کے ساتھ شارع رسول ؐ سے ہوتا ہوا زیارت امیر المومنین علیہ السلام پر ان کے مقدس حرم میں اختتام پذیر ہوا ۔

اس موقع پر حضرت آیت اللہ حافظ بشیر حسین نجفی کے فرزند اور مرکزی دفتر کے مدیر حجۃ الاسلام شیخ علی نجفی دام اپنے نے بیان میں کہا کہ اس سالانہ جلوس غم کے ذریعہ مومنین حضرت امام زمانہ عج اور حضرت امام علی علیہ السلام کی خدمت میں جناب زہراء علیھا السلام کی مظلومانہ شہادت کا پُرسہ پیش کرتے ہیں ۔

انہوں نے مزید کہا کہ یہ سالانہ جلوس عزاء فاطمیہ ہر طرح کے ظلم و ستم دہشت گردی چاہے وہ کسی بھی بھیس میں ہو کسی بھی زمانے میں ہو کسی بھی جگہ ہو سب سے اعلان برات ہے ۔ حجۃ الاسلام شیخ علی نجفی نے کہا کہ جو جرم جناب زہراء ؑ کے حق میں کیا گیا در حقیقت وہ انسان اور انسانیت کے حق میں جرم ہے ۔

مختصر لنک : https://wifaqtimes.com/?p=41133