وفاق ٹائمز کی رپورٹ کے مطابق، سابقہ ڈی جی سائنس اور ٹکنالوجی حکومت پاکستان معروف سائنٹس ڈاکٹر باقر رضا نے بلتستان کے ممتاز تعلیمی و تربیتی ادارہ جامعہ طوسی بلتستان کا دورہ کیا-
انہوں نے جامعہ طوسی میں معصومین ٹرسٹ کی جانب سے لگائے گئے شمسی توانی کے پروجکٹ کا افتتاح کیا- افتحاحی تقریب سے خطاب کرتے ہوئے آپ نے جدید سائنسی علوم کے ساتھ اخلاقی تربیت کے حصول پہ زور دیا- آپ نے کہا جامعہ طوسی بلتستان نے انتہائی پسماندہ علاقے میں ملکی سطح کا بہترین تعلیمی و تربیتی ادارہ قائم کرکے یہ ثابت کیا کہ گلگت بلتستان کے نوجوان صلاحیت میں کسی سے کم نہیں- آپ نے مزید کہا کہ جامعہ طوسی بلتستان سرزمین پاکستان پہ جدید علوم اور اسلامی تعلیمات کا ایک بہترین سنگم ہے-