شیخ نوروز نجفی صاحب مرحوم و مغفور نے نصف صدی جس طرح شوق و لگن اور اپنی خصوصی روش و توجہات کے ساتھ مکتب اہل بیت علیہم السلام کے شاگردوں کی تربیت کا بڑا کارنامہ انجام دیا ہے۔ اس حوالے سے پورے برصغیر میں ان کاکوئی ثانی نہیں ہے۔
علماء کی زندگی سے ہمیں یہی سبق ملتا ہے کہ دین اور دین داروں سے محبت کی جائے۔ مرحوم ہمیشہ ایسے سایہ دار شجر کی مانند رہے جس کی گھنی چھاؤں میں ہر شخص راحت وسکون پاتا تھا۔ آج دنیا کے مختلف مقامات پر ان کے شاگرد خدمات سر انجام دے رہے ہیں، یقیناً یہی وہ علمی بہار ہے جس کی ہم سب کو ضرورت ہے۔مرحوم کی شخصیت ایسی دل نواز، حیات افروز اور ایسی باغ وبہار تھی جن کی تمام خصوصیات کو ایک مختصر تحریر میں سمونا مشکل ہے۔
بزرگ عالم دین حجة الاسلام والمسلمین علامہ الشیخ نوروز علی نجفی کی المناک وفات پر جامعہ روحانیت گلگت مقیم قم کے طرف سے تعزیتی بیان میں کہا ہے کہ ہم ان کے لواحقین خصوصا حجة الاسلام شيخ تقی نجفی، شاگردان، علماءکرام ،مراجع عظام کی خدمت میں تعزیت و تسلئت عرض کرتےہیں۔
علامہ شیخ نوروز نجفی کی نماز جنازہ آج بعد از نماز مغربین مسجد بوتراب کراچی میں ادا کی جائے گی.