امام صادق علیہ السلام کا اسلامی علوم کے فروغ میں کلیدی کردار
حوزہ علمیہ جامعتہ المنتظر میںحجة الاسلام مولانا تطہیر حسین زیدی نے نماز عیدالاضحی پڑھائی۔ خطبہ عید میں انہوں نے کہا سید المرسلین حضرت محمد مصطفی نے فرمایا صلہ رحمی کرو۔ جو صلہ رحمی کرے گا میں رسول اللہ ضمانت دیتا ہوں کہ اسے70 شہیدوں کا ثواب عطا کروں گا۔
انہوں نے کہا کہ پھر برزخ جو مرنے کے بعد قیامت تک جاری رہے گا۔ اس دوران بھی نیک اعمال سے ہم فائدہ اٹھا سکتے ہیں۔ یعنی کسی کیلئے اعمال صالحہ سرانجام دیئے جائیں۔ جیسے نماز، روزہ، حج زکوة، خمس کی ادائیگی نہیں ہوئی تو مرنے والے کی طرف سے ادا کروائے جائیں،
انہوں نے کہا چھٹے تاجدار امامت حضرت امام جعفر صادق علیہ السلام نے مدینہ میں یونیورسٹی بنائی ،جس میں مختلف ملکوں اور شہروں سے تشنگان علم نے مدینہ آکر اپنی علمی پیاس بجھائی ۔امام جعفر صادق ؑنے مسلمانوں اور بالخصوص اہل تشیع کی سوچ اور فکر پر کام کیا۔آپ نے فرمایا عبادت صرف یہ نہیں کہ نماز پڑھ لو یا روزہ رکھ لو بلکہ حقیقی عبادت ”التفکر فی امراللہ“ ہے۔
جامع علی مسجد حوزہ علمیہ جامعتہ المنتظر میں خطبہ جمعہ دیتے ہوئے علامہ سید تطہیر حسین زیدی نے موت کے بعد کام آنے والے کاموں کا ذکر کی اور واضح کیا کہ موت کے بعد دوست ،احباب ، رشتہ دار کام نہ آ سکیں گے ۔ان میں سے کوئی بھی قبر میں ساتھ نہ جائے گا اور نہ بعد کی منازل و مراحل میںکچھ کام آ سکے گا۔