انہوں نے تعزیتی پیغام میں کہاکہ علامہ سید خادم حسین نقوی کی ناگہانی وفات پر نہایت افسوس ہوا، علامہ مرحوم بہت سے شاگردوں کی علمی فکری تربیت کے ساتھ ساتھ علامہ خادم حسین نقوی نہایت محبت کرنے والے اور غریب پرور شخصیت کے مالک بھی تھے۔
اس غمناک موقع پر ان کے تمام سوگواران خصوصاً ان کی اولاد عزیز واقارب قبلہ علامہ سید علی رضا نقوی حضرت آیت اللہ سید ریاض حسین نجفی علامہ محمد افضل حیدری علامہ سید مرید حسین نقوی ،تمام علمائے کرام اور ان کے تمام شاگردان کی خدمت میں تعزیت پیش کرتے ہیں۔
حوزہ علمیہ جامعہ المنتظر کے سینیئر مدرس علامہ سید خادم حسین نقوی کو لاہور کے فردوسیہ قبرستان میں سپردِ خاک کر دیا گیا۔ مرحوم کی نماز جنازہ وفاق المدارس الشیعہ پاکستان کے صدر آیت اللہ حافظ ریاض حسین نجفی نے جامعہ المنتظر میں پڑھائی۔
وفاق المدارس الشیعہ پاکستان کے نائب سربراہ علامہ سید مرید حسین نقوی نے حوزہ علمیہ جامعۃ المنتظر کے بزرگ علامہ سید خادم حسین نقوی کے سانحہ ارتحال پر افسوس و تعزیت کا اظہار کیا ہے ۔
انہوں نے کہاکہ حجۃ الاسلام و المسلمین مرحوم علامہ سید خادم حسین نقوی کی وفات ایک ناقابلِ تلافی نقصان ہے، علامہ سید خادم حسین نقوی جامعہ المنتظر کے طالبعلم تھے اور پھر علمِ دین حاصل کرنے کے بعد جامعۃ المنتظر میں مثالی خدمات سرانجام دیں۔
مدرسہ الامام المنتظر قم کے سربراہ علامہ سید محمد حسن نقوی نے حوزہ علمیہ جامعۃ المنتظر لاہور کے سنئیر استاد علامہ سید خادم حسین نقوی وفات پر تعزیتی پیغام میں کہاکہ علامہ سید خادم حسین نقوی کی وفات ہم سب کو سوگوار کر گئی ہے۔
حوزہ علمیہ جامعۃ المنتظر لاہور کے مہتمم اعلیٰ علامہ محمد افضل حیدری نے حوزہ علمیہ جامعہ المنتظر کے بزرگ استاد مرحوم علامہ سید خادم حسین کے اہل خانہ سے تعزیت کرتے ہوئے کہا کہ مرحوم علامہ خادم حسین نقوی کی دینی اور علمی خدمات کو ہمیشہ یاد رکھا جائے گا۔
حوزہ علمیہ جامعتہ المنتظر لاہور کے سینیئر مدرس ، بزرگ عالم دین مولانا سید خادم حسین نقوی صاحب بقضائے الہی وفات پاگئے ہیں۔