21اکتبر

جامعتہ المنتظر میں ”دارالقرآن والحدیث“ ریسرچ سنٹر قائم کیاجارہا ہے، علامہ مرید نقوی

وفاق المدارس الشیعہ پاکستان کے نائب صدر او جامعتہ المنتظر کے ناظم اعلیٰ علامہ سید مرید حسین نقوی نے کہا ہے کہ مدارس دینیہ اسلام کے قلعے اور معاشرے کی اہم ضرورت ہیں۔دینی مدارس صدیوں سے اسلامی معاشرے کی دینی ضروریات کو پورا کر رہے ہیں ۔علوم قرآن و حدیت ، فقہ اسلامی اور عصری علوم آئندہ نسلوں تک منتقل کرنے کے لئے اسلامی تعلیمی ادارے اور منصوبے جاری ہیں ۔

21اکتبر

آیت اللہ مہدوی کنی مرحوم دانا اور انقلابی عالمِ دین تھے، سربراہ حوزہ علمیہ ایران

آیت اللہ علی رضا اعرافی نے مدرسہ علمیہ مروی تہران میں منعقدہ آیت اللہ مہدوی کنی رحمۃ اللہ علیہ کی ساتویں برسی کے پروگرام میں پیغمبر اسلام صلی اللہ علیہ وآلہ وسلم اور امام جعفر صادق علیہ السلام کی ولادت اور ہفتۂ وحدت کی مبارکباد پیش کرتے ہوئے کہاکہ صاحبانِ علم و دانش ہمیشہ اپنی منفرد علمی شخصیت اور زمانے کے حالات اور تقاضوں کے مطابق معاشرہ کی خدمت کرتے ہیں۔

21اکتبر

علامہ قاضی سید نیاز حسین نقوی ایک ہمہ جہت اور نابغۂ روزگار شخصیت تھے، علامہ رمضان توقیر

علامہ رمضان توقیر نے "وفاق ٹائمز" سے گفتگو میں کہاکہ زندگی کے آخری ایام میں انہوں نے نصابِ تعلیم میں حکومت کی طرف سے کی جانے والی زیادتیوں اور جانبداریوں کی نشاندہی کی اور اپنے تحفظات حکمرانوں تک پہنچانے کا آغاز کیا۔وفاق کے دونوں اداروں میں مرحوم کی خدمات سے ہر اہلِ علم آگاہ ہے۔قاضی نیاز حسین نقوی اور قاضی غلام مرتضی دونوں اگرچہ اس دارِ فانی سے بہت جلدی چلے گئے لیکن اپنے حصے کے علاوہ دوسروں کے حصے کے کام بھی کر گئے۔

21اکتبر

جامعہ المنتظر کے علماءکی طرف سے جلو س عید میلادالنبی کا استقبال

وفاق المدارس الشیعہ پاکستان کے سیکرٹری جنرل اورجامعہ المنتظر کے مہتم اعلیٰ علامہ محمد افضل حیدری نے دیگر علماءکے ہمراہ ماڈل ٹاون میںسی بلاک سے برآمد ہونے والے جلوس کا ایچ بلاک بس اسٹاپ پر استقبال کیا ۔سید کلیم الرحمن ترمذی عرف گوگی شاہ کی قیادت میں شرکا ئے جلوس کو پھولوں کے ہار پہنائے اور ان پرپھولوں کی پتیاں نچھاور کی گئیں۔

20اکتبر

حوزہ علمیہ عراق میں آیۃ اللہ مدرسی کا درس خارج کا آغاز+تصاویر

عراقی مایہ ناز عالم دین حضرت آیۃ اللہ سید محمد تقی مدرسی نے حوزہ علمیہ کربلا میں فقہ سے متعلق اپنے درس خارج کی تدریس کا سلسلہ شروع کردیا ہے۔

20اکتبر

قائد ملت جعفریہ پاکستان کی 12 تا 17 ربیع الاول ہفتہ وحدت و اخوت منانے کی اپیل

علامہ ساجد نقوی نے یہ بات زور دے کر کہی کہ خاتم المرسلینؐ اور حضرت امام جعفر صادق ؑکے میلا د کا جشن منانے کا سب سے بہتر اور موزوں طریقہ یہ ہے کہ امت مسلمہ بالخصوص اور عالم انسانیت بالعموم حضور اکرم ؐاور خانوادہ رسالت ؐ کی سیرت اور فرامین پر عمل کرے اور اپنی انفرادی‘ اجتماعی‘ روحانی‘ دینی و دنیاوی مسائل کا حل تلاش کرنے کے لئے حضور اکرم ؐ کے اسوہ حسنہ کو نمونہ عمل قرار دے۔

20اکتبر

شیعہ سنی اسلام کے دو مضبوط بازو ہیں، علامہ مرید حسین نقوی

وفاق المدارس الشیعہ پاکستان کے نائب سربراہ علامہ سید مرید حسین نقوی نے ہفتہ وحدت 12 تا 17 ربیع الاول کے آغاز پر اپنے خصوصی پیغام میں مسلمانان عالم سمیت مسلمانان پاکستان کو مبارک باد پیش کرتے ہوئے کہا کہ موجودہ پرفتن اور سنگین حالات میں ہمیں پیغمبر گرامی کی سیرت سے درس لیتے ہوئے باہمی اختلافات اور فروعی و جزوی مسائل کے حل کے لئے امن محبت رواداری تحمل اور برداشت کا راستہ اختیار کرنا ہوگا۔ 

19اکتبر

مختصر تعارف جامعہ مخزن العلوم الجعفریہ ملتان(قسط 2)

جامعہ مخزن العلوم الجعفریہ بین الاقوامی سطح پر اپنے انقلابی کارناموں کی وجہ سے انتہائی حساس مگرعالمی اہمیت کا حامل ادارہ ہے ملت اسلامیہ کے خلاف استکبار ی ریشہ دوا نیوں، اسلام کے نام پر سادہ لوح مخلص مسلمانوں پر ملوکیت و آمریت مسلط کرنے والے شہزادوں اور فوجی ڈکٹیٹروں اور ان کے آلہ کار عناصر کے پروپیگنڈے اور سازشوں کو ناکام بنانے اور ان کے مقابلے میں حقیقی اسلام محمدی کی تبلیغ کی وجہ سے، انقلاب اسلامی ایران کے بعد جامعہ ہر دور میں طاغوتی طاقتوں سے نبرد آزما رہا ہے، دنیا کے تمام مسلمانوں، مستضعفین اور انقلابیوں کے لئے بہت بڑی ڈھارس اور سہارا ہے۔

19اکتبر

علامہ قاضی نیاز حسین نقوی مرحوم داعی اتحاد بین المسلمین تھے،علامہ افتخار نقوی

"وفاق ٹائمز " سے گفتگو میں انہوں نے علامہ قاضی نیاز حسین مرحوم کے بارے میں کہا کہ علامہ مرحوم اسلام کا درخشاں ستارہ تھے انہوں نے پاکستانی ہونے کے ساتھ ساتھ ایران کی سر زمین پر علمی حوالے سے اتنی ترقی اور نمایاں حیثیت حاصل تھی کہ انہیں باقاعدہ طور پر عدالتوں کا جج مقرر کیا گیا اور ہائیکورٹ کے جسٹس رہے تقریباً 25 سال نظام عدل سے وابسطہ رہے۔